🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][ViuTV][男排女將][EP14]
✅ 意思傳達完整 顧定軒個冧樣係正
❎ 家瑜話誤會咗，再聽到自己冇得進步時，King唔夠激動
揀自己鍾意嘅事努力去做，可能做得唔叻但享受追夢嘅過程。定係揀自己有潛力嘅事去做，雖然唔係你最想做嘅嘢，但可能會容易啲有成績，或者會喺成績度得到開心。兩件事到底點揀？我諗係大部分人必然有過嘅考量。King最後喺Bobby嘅勸導下，再喺沙灘打排球時明白自己做自由人嘅能力，最終揀咗自己所長做自由人，再慢慢培養成為興趣。
正如黃金sir咁講，認清楚自己嘅能力都係個成長嚟。咁多集見住King堅持住不停衝，成隊人畀佢焫着晒，最後自己唔做大槌手，成件事無奈，但又好真實，今集交代得好完整，仲可以夾埋QK呢個新隊員，介紹佢開波好勁。係好嘢。
顧定軒同Stephy喺學校外嗰段，King話自己都唔識得揀嗰吓感人，如果可以向爆發或者委屈兩個極端二揀一再推進少少會再正啲，依家攝咗喺中間兩邊都去唔到。
中間安排Chris3佢支吾以對，再由安安話魚仔單獨教波想追阿蟲，令到King以為家瑜對自己有意思嗰段，顧定軒個冧樣可以令集有少少輕鬆愉快時光。不過其實King一下子畀家瑜話佢誤會咗，再加埋話佢做大槌手已經冇得再進步嗰下，King應該好鬼沉重或者激動先係，但呢段好快就過咗，到之後佢喺沙灘同家瑜話自己決定打自由人嗰時，個反差度就唔夠大。
個紅氣球是咪鬼故嚟，咁多日都唔漏氣。不過個意象係好嘅，代表King點努力都再突破唔到，最後個夢仲飛走埋。
📺 99台 逢周一至五 2130~2230
[演員表] 鄧麗欣 飾 蔣家瑜 / 顧定軒 飾 張競康 King / 陳卓賢 飾 余俊賢 魚仔 / 盧瀚霆 飾 陳逸朗 Bobby / 呂爵安 飾 楊洋（阿神） / 邱傲然 飾 凌鋒（阿檸）/ 柳應廷 飾 袁啟聰（方丈）/ 陳宇琛 飾 黃金Sir / 陳子豐 飾 Marco / 王智德 飾 Chris 1 / 梁業 飾 Chris 2 / 李駿傑 飾 Chris 3 / 郭嘉駿 飾 QK / 余潔瀅 飾 安安 / 沈殷怡 飾 蟲蟲 / 李爾晨 飾 何晉新 / 林家熙 飾 Cirlcle / 李文星 飾 杉 / 杜港 飾 麥樂基 / 胡卓希 飾 阿Lo / 彭義廣 飾 阿Dee / 郭慧 飾 Ruby / 余世騰 飾 瑜父 / 黃翠儀 飾 瑜母 / 楊昕 飾Ada / 安南 飾 阿里 / 蘇家樂 飾 旭sir / 謝志豪 飾 Don / 薛廷旭 飾 立 / 吳保錡 飾 記者 / 高瀚文 飾 魯世義
#1230隔夜超短劇評 #ViuTV #男排女將 #張志光 #陳淑賢 #張之彥 #黃穎珊 #黃竣培 #駱競茵 #鄧麗欣 #顧定軒 #陳卓賢 #盧瀚霆 #呂爵安 #邱傲然 #柳應廷 #陳宇琛 #陳子豐 #王智德 #梁業 #李駿傑 #郭嘉駿 #余潔瀅 #沈殷怡 #李爾晨 #林家熙 #李文星 #胡卓希 #彭義廣 #蘇家樂 #薛廷旭 #謝志豪
Search